<h3>మనమెందుకు చనిపోతున్నాము?</h3>

<p>మరణం అందరినీ భయపెడుతుంది. ఈ భూమి మీద మనం బ్రతికినంత కాలం చావుకు భయపడుతూ బ్రతకాల్సిందే. ఎంతటివారైనా, ఏదో ఒకరోజు చనిపోక తప్పదు.
అసలేంటి ఈ పరిస్థితి? మనమెందుకు చనిపోతున్నాము? పాపానికి జీతం మరణం అని బైబిల్ చెబుతుంది. పాపం చేసావా? అయితే దానికి జీతంగా మరణాన్ని
పుచ్చుకోవాలి. మీరు మరణము కాకుండా మీ పాపానికి ప్రాయశ్చిత్తం జరగదని దేవుని వాక్యం తెలియజేస్తుంది. పాపానికి ప్రాయశ్చిత్తం ఏంటి అంటే మరణం.
చిరకాలం మరణపు కోరల్లో శిక్ష అనుభవించడం.</p>

<h3>పాపమంటే ఏంటి?</h3>

<p>పాపమంటే, ఏదో కేవలం దొంగతనం చేయడం, లేకపోతే వ్యభిచారం చేయడం, ఇలాంటివే అనుకోకండి. చిన్న అబద్ధమైనా, చెడు ఆలోచన అయినా, తప్పుడు చూపు
అయినా, దేవుని దృష్టిలో పాపమే. దేవుడు అంత పరిశుద్ధుడు, తప్పును తప్పుగా పరిగణించి శిక్ష విధిస్తాడు. ఆ శిక్ష మరణం. ఇంకొక చోట, &quot;మరణపు ముల్లు -
పాపము&quot; అని వ్రాయబడియున్నది. మరణం నిన్ను కాటు వేయాలి అంటే ఉపయోగించుకునే ముల్లు ఏంటి అంటే పాపము. పాపము తప్పకుండా మరణాన్ని
తీసుకొని వస్తుందని దేవుని గ్రంథం స్పష్టంగా తెలియజేస్తుంది.</p>

<h3>మరణము తప్పేదెలా?</h3>

<p>మరి మరణాన్ని తప్పించుకునే మార్గం ఏదైనా ఉందా? చావంటే భయము లేకుండా బ్రతుకగలమా? అవును, బ్రతుకగలము. ఇంతవరకూ మనం చూసినట్లు,
మరణానికి కారణం పాపమే కాబట్టి, నీ పాపము పోతే నీకు ఇక మరణము ఉండదు. దాదాపు రెండువేల సంవత్సరాల క్రితము, మానవాళి మనుగడను మార్చివేసే
ఒక మహత్తరమైన సంఘటన జరిగింది. దైవ తనయుడు యేసుక్రీస్తు ప్రభువు, ఈ భూమి మీదకి వచ్చి, నీ పాపానికి ఆయన ప్రాయశ్చిత్తము చేసాడు. ఏ పాపము
లేని ఆయన, సిలువ పైన వ్రేలాడుతూ, నీకు బదులుగా తన ప్రాణాన్ని అర్పించాడు. ఆయన రక్తము, ప్రతి పాపము నుండి నిన్ను పవిత్రునిగా చేస్తుంది. నీ పాపాన్ని
క్షమించే అధికారం ఆయనకే ఉంది. ఆయనయందు విశ్వాసం ఉంచితే చనిపోయినవాడు కూడా బ్రతుకుతాడు. నిత్యజీవము పొంది, దేవునితో పరలోకంలో
యుగాయుగాలు సంతోషంగా గడుపుతాడు.</p>

<h3>నీవు ఏం చేయాలి?</h3>

<p>నీవు చేయవలసినది ఒక్కటే. &quot;దేవా, నా పాపము మన్నించు&quot; అని ప్రార్థించాలి. యేసు క్రీస్తు నీ పాపముల కోసం మరణించాడని విశ్వసించి, క్షమాపణ పొంది,
ఆయనను వెంబడించు. ఇంకొక దారి లేదు. యేసుక్రీస్తు చేసిన ఈ సిలువ యాగమే మనకు ఏకైక దిక్కు.</p>

large_pexels-skitterphoto-782.jpg

medium_pexels-skitterphoto-782.jpg

small_pexels-skitterphoto-782.jpg

thumbnail_pexels-skitterphoto-782.jpg

pexels-skitterphoto-782.jpg

ఎంతటివారైనా, ఏదో ఒకరోజు చనిపోక తప్పదు. అసలేంటి ఈ పరిస్థితి? మనమెందుకు చనిపోతున్నాము?

మరణానికి కారణమేంటి?

reason-for-death

<h3>మనిషి పాపంతో ఉన్నాడు:</h3>

<p>ప్రియులారా, మనము ఈ లోకంలోనికి ఏమి తీసుకొని రాలేదు, తిరిగి ఏమి తీసుకొని వెళ్ళము. ఈ లోకంలోనికి ఏవిధంగా వచ్చినామో, తిరిగి అదే విధంగా వెళ్లిపోతాము. అయితే మన పాపములు మన వెంట వస్తాయి. పాపము లేని మనిషి ఒక్కడు కూడా లేడు. ప్రతి మానవునికి జన్మ, కర్మ పాపాలు ఉన్నాయి. ఈ పాపములతో మనిషి మోక్షం చేరలేడు.</p>

<h3>పరలోకం - పాతాళం:</h3>

<p>మరణం తరువాత రెండే రెండు స్థలాలు ఉంటున్నాయి: పరలోకం - పాతాళం. ఈ రెంటిలో ఏదో ఒక స్థలంలో మానవుడు యుగాయుగాలు గడపవలసి ఉన్నది. చనిపోయిన తర్వాత నీ స్థలమెక్కడ? నరకం అంటే అది ఆరని అగ్నిగుండం. అందులో పడినవారు ఎన్నడూ బయటకు రారు. అక్కడ ఏడుపు, పండ్లు కొరుకుట ఉంటుంది, రాత్రింబగళ్ళు నెమ్మది ఉండదు.</p>

<h3>దేవుడు ప్రేమగలవాడు:</h3>

<p>అయితే దేవుడు ప్రేమగలవాడు. మహా భయంకరమైన ఆ నిత్యత్వంలో ఎవ్వరూ ఉండడం దేవునికి ఇష్టం లేదు. అందుకే యేసు ప్రభువు ఈ లోకంలోనికి శరీరం ధరించుకొని వచ్చాడు. ఇది చరిత్ర సత్యం, ఎవ్వరూ కాదనలేరు.</p>

<h3>యేసునందు విశ్వాసము - రక్షణ:</h3>

<p>మన పాపములకోసం మనకు రావలసిన శిక్ష, మనకు బదులుగా ఆయనే సిలువలో భరించినాడు. చేతులలో మేకులు, కాళ్లలో మేకులు, తల మీద ముళ్ళకిరీటం, ప్రక్కలో బళ్లెపు పోటు, ఈవిధంగా శ్రమలు పొంది, శరీరమంతా కొరడా దెబ్బలు తిని, ఆయన మానవాళి కోసం సిలువలో ప్రాణం పెట్టియున్నాడు. చనిపోయి, సమాధి చేయబడి, తిరిగి లేచినాడు. ఆ లేచిన యేసునందు విశ్వాసము ఉంచడం ద్వారా, పరలోక రాజ్యానికి హక్కుదారులు అవుతారు.</p>

<p>యేసు అన్నాడు, "నేనే మార్గం, సత్యం, జీవం. నా ద్వారా తప్ప ఎవ్వరూ పరలోకంలో చేరరు." ఇదే మీకు శుభవార్త.</p>


large_pexels-mark-plötz-2790396.jpg

medium_pexels-mark-plötz-2790396.jpg

small_pexels-mark-plötz-2790396.jpg

thumbnail_pexels-mark-plötz-2790396.jpg

pexels-mark-plötz-2790396.jpg

మనము ఈ లోకంలోనికి ఏవిధంగా వచ్చినామో, తిరిగి అదే విధంగా వెళ్లిపోతాము. తరువాత నీవు ఎక్కడ?

చనిపోయిన తరువాత నీ స్ధలము ఎక్కడ?

life-after-death